Протести во Русија по повикот на Навални за бојкот на изборите
Русите кои се незадоволни од можноста претседателот Владимир Путин да управува со земјата и во следните шест години денеска почнаа со протести низ целата држава, поддржувајќи го повикот на Алексеј Навални за бојкот на изборите.
Опозицискиот лидер Навални повика на бојкот откако му беше забрането да се кандидира за изборите што ќе се одржат на 18 март поради обвинението за финансиски криминал, кое тој и неговите поддржувачи го сметаат за одмазда на Кремљ. Според Јутјуб каналот на Навални на кој се емитуваат протестите, собирањата веќе почнале во повеќе сибирски градови меѓу кои Омск и Барнаул.
Во Моксва Навални ги повика демонстрантите да се соберат во центарот и покрај одбивањето на власта да даде дозвола за протест на тоа место со што се отвора можноста за конфронтација.