Неизвесност околу расправата за амандманите на Законот за јазиците
![Неизвесност околу расправата за амандманите на Законот за јазиците](https://gdb.rferl.org/61287DF9-FF6E-45DD-964E-E3DE164BC62C_w800_h450.jpg)
Не се знае кога Собранието ќе расправа за амандманите за Законот за јазиците во трето читање поднесени од опозициската ВМРО-ДПМНЕ, изјави денеска претседателот на Парламентот Талат Џафери наведувајќи дека од 35.569 амандмани досега на албански јазик преведени се само околу 17 илјади.
Според Џафери амандманите се политичко прашање, а целта на ВМРО-ДПМНЕ е да се спречи носење на законот, истакнувајќи дека што и да се направи во оваа ситуација ќе се оспорува уставноста на законот.
Во однос на тоа дали е можно амандманите да бидат повлечени, Џафери рече дека секојдневно е во комуникација со опозицијата и со другите пратенички групи. Тој ја повика опозицијата да размисли: „Ако имаат сенс за процесите и за државата нека се премислат“, рече Џафери