Украина чекор поблиску до суд за антикорупција
Украинскиот парламент го одобри предлог законот кој овозможува воспоставување на суд за антикорупција по барање на протестни групи и меѓународни поддржувачи на земјата. Законот беше усвоен со поддршка од 282 пратеници во првото читање.
Пред гласањето спикерот на парламентот, Андриј Парубиј ги повика пратениците да го поддржат законот, при што тие можат да поднесат амандмани пред второто читање. Лидерите на ЕУ и ММФ побараа антикорупциски реформи во Украина која се најде на 130 место од 180 земји по индексот на корупција на Транспаренси Интернешнел.