Самит на Јужна и Северна Кореја при крајот на април
Јужна Кореја соопшти дека постигнала согласност со Северна Кореја за одржување на самит при крајот на наредниот месец. Според соопштението, двете земји се согласиле нивните лидери во меѓувреме телефонски да разговараат.
Советникот за безбедност на претседателот на Јужна Кореја, Чунг Еуи Јонг изјави дека самитот ќе се одржи во Панмунјом, кој се наоѓа на границата меѓу двете земји.Тој посочи и дека Северна Кореја ветила дека ќе го замрзне нуклеарното и ракетно тестирање додека трае дијалогот со Јужна Кореја.