Грција денеска ќе ја разгледува нацрт- спогодбата на Македонија
Грчкиот заменик министер за надворешни работи, Јанис Аманатидис изјави дека се уште не ги видел доставените предлози од македонска страна за решавање на разликите околу спорот за името. Тој во емисија на грчката телевизија „Скај“ истакна дека денеска ќе ги разгледаат пристигнатите одговори.
Аманатидис поради тоа што не бил запознаен со македонските ставови, не коментираше дали има поклопување на позициите, но изрази уверување дека постои политичка волја и од двете страни. Според него, посетата на шефот на грчката дипломатија на Скопје е многу важна, затоа што ќе започне од аеродромот што веќе има променето име.