Поради сомнителен пакет евакуирана зградата на „Кембриџ Аналитика“

Пронајден е сомнителен пакет во близина на седиштето на компанијата „Кембриџ Аналитика“ во Лондон, поради што беа затворени околните улици и евакуирана зградата, соопшти денеска Британската полиција. 

Полициските служби истакнаа дека до сега не е пријавено дека има повредени, а оти зградата е евакуирана поради претпазливост. 

Канцеларијата на компанијата „Кембриџ Аналитика“ во Лондон се наоѓа во улицата „Њу Оксфорд“, една од главните шопинг улици во Велика Британија.

Консултанската фирма „Кембриџ Аналитика“ е под истрага во Велика Британија за користење на лични податоци на корисници на Фејсбук за да направи профили на американските гласачи пред изборите за претседател на САД во 2016 година.