Британија: Прегледот на рускиот авион е "рутински"

Русија побара објаснување од британските власти за нивното преглед  на авионот на Аерофлот на аеродромот Хитроу во Лондон, велејќи дека британските авиокомпании може да се соочат со слични дејства ако Лондон не објасни што се случило. Руското Министерство за надворешни работи соопшти дека британските царински власти се качиле и го пребарале авионот откако пристигнал од Москва  на 30 март, без да дадат објаснување за причините за претресот. Портпаролката на Министерството, Марија Захарова, го нарече инцидентот "провокација", што доаѓа во услови на зголемени тензии  меѓу двете земји. Руската амбасада во Лондон соопшти дека "вонредниот" преглед бил спроведен од британските гранични сили и цариници. Амбасадата соопшти дека испратила дипломатска белешка во која барала Британија да даде објаснување за инцидентот.  Британскиот министер за безбедност, Бен Валас, во денешното соопштение наведе  дека прегледот  е "рутински за заштита на Велика Британија од организиран криминал и од оние кои се обидуваат да донесат штетни супстанции како дрога или огнено оружје во земјата.