Авганистанец осуден во Германија за убиство на поранешната девојка

Германски суд одреди затворска казна од 8 и пол години на неуспешен барател на азил од Авганистан, поради тоа што ја прободел до смрт неговата поранешна 15-годишна девојка. Крајната десница во Германија случајот го користи во својата кампања против мигрантите.


Идентификуван како Абдул Д., лицето призна во судот дека ја прободел девојката пред аптека во градот Кандел на 27 декември. Обвинителите тврдеа дека тој дејствувал од љубомора дека девојката се разделила од него.


Денешната пресуда во градот Ландау следува по викенд во кој се одржуваа протести од страна на ривалските страни во дебатата за мигрантите во источниот град Кемниц.


Во протест против мигрантите на 1 септември во Кемниц се собраа околу 8.000 демонстранти од крајната десница лути поради фаталното прободување на човек, наводно од страна на еден Сириец и еден Ирачанец.


Полицијата соопшти дека околу 3.000 контра-демонстранти излегле во Кемниц за време на викендот да им се спротивстават на демонстрантите против мигранти.