Мицкоски: Македонија се соочува со демографска катастрофа

Претседателот на ВМРО-ДПМНЕ Христијан Мицкоски по повод почетокот на учебната година, изјави дека реалноста во Македонија е таква што земјата се соочува со демографска катастрофа, пад за 6.3 проценти на бројот на новородени деца во вториот квартал во 2018 година и оти тоа за шест години ќе значи и дополнително намалување на бројот на ученици и паралелки кои ќе се затворат, соопштува Центарот за комуникации на ВМРО-ДПМНЕ.


„За година и половина нема ниту една единствена мерка на Владата која ќе биде во насока на зголемување на наталитетот, додека најважниот фактор, економијата пропаѓа со најнизок раст во Европа кој се движи околу нула“, наведува Мицкоски. 


Тој додава дека состојбата во образованието и училиштата е очајна, дека има училишта кои прокиснуваат, дека влагата е честа појава и дека доцнат бесплатните учебници. Тој истакнува дека младите и децата се најгоелма вредност на земјата и оти тие заслужуваат подобро.