Макрон и Меј против повикот на Трамп за изолација на Иран
Францускиот претседател Емануел Макрон и британскиот премиер Тереза Меј изразија несогласување со ставовите на американскиот претседател Доналд Трамп за нуклеарниот договор со Иран. Според нив, договорот е најдобриот начин да се спречи Иран во развојот на нуклеарно оружје. Меј порача дека тие се посветени во зачувување на договорот. Макрон истакна дека Трамп има „сериозна криза на самодоверба“ со повлекувањето од договорот.
Трамп во својот говор пред светските лидери на Генералното собрание на Обединетите нации во Њујорк ги повика "сите нации да ја изолираат" иранската влада онолку долго, колку што раководството ќе продолжи со политиката на "агресија" врз Блискиот Исток и пошироко.