Романскиот уставен суд им даде поддршка на геј двојките
Романскиот уставен суд одлучи геј двојките да имаат исти семејни права како и хетеросексуалците. Пресудата доаѓа пред одржувањето на референдумот на кој се предлага забрана на истополовите бракови.
Уставниот суд одлучи дека истополовите двојки имаат исти права во приватниот и семејниот живот и треба да имаат придобивки од законските и судските признавања на нивните права.
На 6 и 7 октомври ќе се одржи референдум на кој се предлага ограничување на уставната дефиниција за бракот. Романскиот устав сега наведува дека бракот е заедница меѓу сопружници, а на референдумот се бара конкретно да се дефинира дека бракот е заедница меѓу маж и жена.