Пендаровски - Изборот е изолација или пат кон развиениот свет

Претседателскиот кандидат Стево Пендаровски, поддржан од владејачката коалиција, во интервјуто за РСЕ вели дека застапува концепт за внатрешна кохезија и за евроатлантска интеграција. Тој вели дека неговата опонентка Силјановска има рецепт за одење назад и за блокади, а тој сака да трасира магистрала кон развиениот свет, но напоменува дека до тој свет нема да се стигне веднаш. Вели дека неприфаќањето на новото уставно име од страна на Силјановска е политика за по дома, а таа потпишала кодекс за фер избори на ливче на кое стои Северна Македонија. Пендаровски зборува и за амнестијата за 27 април, за цензусот, можниот бојкот.