Новости за 09.01.2019

Премиерот на Албанија, Еди Рама на Твитер ја поздрави идејата на косовскиот претседател Хашим Тачи, кој изјави дека е време 2019 да биде прогласена за година на НАТО. „Ја поздравувам идејата на Хашим Тачи за прогласување на оваа година, како година на НАТО, 20 години по историското навлегување на Алијансата во Косово. Оваа годна се совпаѓа и со 10-годишнината од зачленувањето на Албанија во НАТО. Да направиме ден на границата „шенген“ на Морина како момент на кулминација во годината на НАТО, напиша Рама. Читать дальше...

Во пресрет на финалното носење на уставните измени граѓаните имаат различни очекувања. Повеќето сметаат дека измените значат светла иднина, додека други се разочарани. Некои од аналитичарите пак, очекуваат решение на спорот со името и македонска евро - атланска интеграција.

Европската унија воведе санкции врз иранската разузнавачка служба и двајца официјални претставници обвинети дека биле вмешани во серија убиства и заговори насочени против ирански дисиденти во Холандија, Данска и Франција. Одлуката едногласно ја донесоа сите земји членки на Унијата. Врз основа на информации од разузнавачките служби ЕУ процени дека Иран бил вмешан за напади или планирани акции против претставници на иранската опозиција. Иран негира секаква вмешаност во тоа.

Американскиот државен секретар Мајк Помпео го повика тричленото Претседателство на Босна и Херцеговина да ја прифати Националната годишна програма за соработка со НАТО, истакнувајќи дека не постои причина за загриженост оти тоа може да има влијание врз односите со соседите бидејќи, како што рече, и Србија, иако не е членка на НАТО, има значајна соработка со Алијансата. Помпео во писмото до Претседателството наведува декa БиХ е од стратешко значење за регионална соработка и дека САД сака поголем степен на соработка со БиХ.

Американскиот претседател Доналд Трамп го повика Конгресот да му даде над пет ипол милијарди долари за изградба на ѕид на границата со Мексико. Сепак тој, не прогласи национална вонредна состојба која може да доведе до еднострано финансирање на неговиот проект.

Американскиот претседател Доналд Трамп во телевизиското обраќање до нацијата ситуацијата на границата со Мексико ја оцени како хуманитарна криза. „Има растечка хуманитарна и безбедносна криза на нашата јужна граница“, изјави Трамп. Демократите во Конгресот го критикуваат Трамп, барајќи од него повторно да овозможи отворање на федералните владини агенции кои се затворени веќе 18 ден откако тој инсистира на изградба на ѕид кон Мексико со цел да се сперчат мигрантите да влегуваат во САД. Говорот на Трамп од Овалната соба... Читать дальше...

Денеска почнува последната фаза од уставните измени предвидени со Договорот од Преспа. 75 седница на Собранието на Македонија ќе има четири точки на дневниот ред: утврдување на предлог амандманите на Уставот, донесување на амандманите, прогласување на Амандманите и на предлог-уставниот закон за нивно спроведување. Опозициската ВМРО-ДПМНЕ најави дека ќе го бојкотира гласањето. Според некои наводи владата го имала потребното двотретинско мнозинство за усвојување на уставните измени.

Во Македонија под влијание на влажен и студен бран, ќе има нови пообилни врнежи од снег, особено во западните делови. Насекаде ќе се формира нова снежна покривка од 10 до 30 см, а на планините позначителна, над 50 см. Заради ниските температури ќе има појава на голомразица. Утринската температура ќе се движи од минус 21 до минус 4, а дневната од минус 8 до 2 степена. Во Скопје и околината слично време со утринска температура околу минус 7, а дневната до минус 1 степен.