Новости за 09.08.2019

Најмалку 40.000 мигранти се наоѓаат на границата меѓу Соединетите држави и Мексико кои се на листата на чекање за азил или за судско рочиште, бидејќи се вратени преку границата. Бројот на мигрантите, според проценките, нагло пораснал од почетокот на годинава. Реакцијата на американскиот претседател Доналд Трамп на бранот мигранти кои бараат хуманитарна заштита го претвори Мексико во чекалница за барателите на азил, најголем број од нив од Централна Америка.

Американскиот претседател Доналд Трамп најави дека нов вршител на должноста директор на националното разузнавање од 15 август ќе биде Џозеф Мекваер. Тој ќе го замени Ден Коутс кој во минатиот месец соопшти дека се повелкува на 15 август. Првиот избор на Трамп за замена на Коутс, републиканскиот конгресмен Џон Ретклиф, отпадна од трката откако беше покренато прашањето за неговото недоволно искуство во оваа област.

Соединетите држави и неколку европски држави по повод 11 годишнината од петдневната војна меѓу Русија и Грузија побараа од Москва да ја повлече нејзината војска на позициите пред избувнувањето на конфликтот. Во заедничката изјава се изразува поддршка на грузиската независност и сувернитет. Во истовреме руското Министертсво за надворешни работи ги обвини Тбилиси и неговите западни поддржувачи за „ширење на анти руска хистерија“.

Генералниот секретар на Обединетите нации Антонио Гутереш ги повика Индија и Пакистан да се воздржат од какви било чекори кои би имале влијание врз статусот на Кашмир. Притоа се повикува на спогодбата за односите меѓу двете земји од 1972 година во која се наведува дека конечниот статус на Џаму и Кашмир мора да биде решен по мирен пат, во согласност со Повелбата на ОН. До повикот на Гутереш доаѓа откако Индија деновиве ја укина автономијата на Кашмир.

Претседателот на Русија Владимир Путин беше назначен за премиер на 9 август 1999 година и оттогаш е на власт, или како претседател или како премиер. Приврзаниците го фалат како личност која ја врати националната гордост и ја прошири глобалната моќ на Москва со интервенциите во Сирија и Украина. Критичарите го обвинуваат дека води корумпиран авторитарен систем и оти нелегално го анектирал украинскиот полуостров Крим во 2014 година, потег што меѓународно ја изолира Русија.

Во грчкиот Парламент поминаа измените во законот со кои се укинува студентскиот имунитет. Владејачката Нова демократија и десничарско ориентираната партија Грчко решение беа „за“. СИРИЗА не присуствуваше на гласањето, бидејќи претходно ја напушти седницата во знак на протест против поднесените амандманите од министерот за труд. Во исто време со гласањето, пред Парламентот протест одржаа студентите кои не се согласуваат со измените во законот што ги донесе владата. Собирот помина мирно и со мал одѕив... Читать дальше...

Ќе биде сончево и многу топло со зголемена облачност во текот на денот и со услови за краткотраен локален дожд во источните делови. Ќе дува слаб до умерен ветер од североисточен правец. Утринската температура ќе биде од 15 до 23, а дневната од 31 до 40 степени. Во Скопје и околината слично време. Утринската температура ќе биде околу 21, а дневната ќе достигне до 38 степени.