Новости за 21.01.2020

Опозицијата има забелешки за „вдомувањето“ на обвинителите од СЈО со предлог законот за јавно обвинителство. Власта очекува поддршка на законот со кој, како што велат, во иднина ќе нема злоупотреби во текот на судењата и со кој сите ќе имаат еднаков третман и нема да има привилегирани политичари.

Четири лица умреле откако биле заразени со новиот респираторен вирус. Досега со него биле инфицирани околу 220 луѓе во неколку кинески провинции, како и во Тајланд, Јапонија и Јужна Кореа. Кинеските власти вчера потврдија дека петнаесетина медицинари биле заразени со новиот коронавирус. Светската здравствена организација за утре закажа итен состанок за да утврди дали новиот вирус бара прогласување итна состојба.

Три ракети изутрината паднале во Зелената зона во Багдад каде што се зградите на ирачката влада и на странските мисии, соопшти ирачката полиција. Две од ракетите паднале во близина на американската амбасада во Ирак. Никој не бил повреден, а била регистрирана само материјална штета. До ова доаѓа по вчерашните антивладини протести во кои шестмина Ирачани, вклучувајќи и двајца полицајци загинале. Демонстрантите бараат оставка на владата, реформи и вработување. Протестите почнаа во октомври лани и досега во нив загинаа над 450 луѓе.

Американскиот претседател Доналд Трамп на Твитер го истакна договорот за воспоставување на прв директен лет межу Белград и Приштина. „Сите рекоа дека не може да се направи. Но, за прв пат во една генерација, ќе има директен лет меѓу Србија и Косово. Уште една победа. Благодарност до амбасадорот Роберт О’Брајан и амбасадорот Ричард Гренел“. Делегација на српското Министерство за економија и компанијата Луфтханза вчера во Берлин попишаа Писмо за намери за воспоставување авиолинија помеѓу Белград и Приштина. Читать дальше...

На Косово е обвинета Албанка која наводно и се приклучила на терористичката група Исламска држава во Сирија. Во соопштението се наведува дека таа го напуштила Косово во септември 2014 година заедно со нејзиниот маж и двете деца. Тие преку Скопје заминале за Турција, а потоа минувајќи ја границата со Сирија и се приклучиле на ИД. Нејзиниот сопруг бил убиен во април 2015 година во Сирија. Жената останала во Сирија до април 2019 година од каде што била вратена со уште 110 граѓани на Косово. Се верува... Читать дальше...

Кога се пензионира пред една деценија, германскиот месар Валдемар Хакштатер ги пресмета своите финансии и заклучи дека тој и сопругата Хилдегард не можат да си дозволат да останат во нивната родна земја. Така, тие се преселија во Бугарија, каде што со нивниот комбиниран приход од 1.200 евра можат да купат многу повеќе.

Денеска во Сенатот на американскиот Конгрес почнува судскиот процес за импичмент на претседателот Доналд Трамп. Во минатата недела Претставничкиот дом ги испрати до Сенатот документите за импичмент на претседателот кој се обвинува за злоупотреба на функцијата и за опструкција на истрагата во врска со негов притисок врз Украина да покрене истрага против можниот ривал на претседателските избори Џо Бајден. Демократскиот конгресмен Адам Шиф кој е еден од седумте менаџери за импичмент кои ќе го водат... Читать дальше...

Ќе биде претежно сончево со слаб до умерен северен ветер. Утринската температура ќе биде од минус 11 до нула, а дневната од еден до девет степени. Во Скопје и околината слично време. Утринската температура ќе биде околу минус четири, а дневната ќе достигне до четири степени.