Новости за 07.02.2020

Интеграцијата на Западен Балкан во Европската Унија е многу важна за Хрватска. Се надевам дека Северна Македонија ќе ги почне преговорите со ЕУ уште пред загребскиот самиот во мај. Ова доцна синоќа го кажа хрватскиот премиер Андреј Пленковиќ, за време на средбата со вицепремиерот за европски прашања Бујар Османи и министерот за надворешни работи Никола Димитров, јави дописникот на МИА. Хрватска ќе има активна улога во напорите Северна Македонија и Албанија да ги почнат преговорите час поскоро, додаде Пленковиќ. Читать дальше...

Романскиот претседател Клаус Јоханис побара од премиерот во заминување Лудовик Орбан да формира нова влада, чекор со кој земјата се приближува до брзи општи избори. Јоханис соопштението го објави вчера, ден откако десничарската влада падна поради гласањето недоверба во парламентот по иницијатива на социјалдемократската опозиција. Падна романската влада Орбан и Јоханис сакаат предвремени избори, но претседателот може да го распушти парламентот само ако има два неуспешни обиди за формирање влада во последните 60 дена. Читать дальше...

Кинескиот претседател Си Џинпинг зборувал телефонски со американскиот претседател Доналд Трамп за коронавирусот, истакнувајќи дека Пекинг не „штеди напори во борбата против епидемијата“, јавија кинеските државни медиуми. Од инфекцијата за која се верува дека потекнува од централниот дел на Кина се заразени најмалку 30.000 луѓе, додека над 630 починале, главно во Кина. Локалните власти затворија неколку милионски градови со цел да го спречат ширењето на вирусот.

Унгарската полиција соопшти дека привремено затворила еден граничен премин со Србија за да го пресече патот на група мигранти во обид да ја минат границата. Унгарија претходно соопшти дека од декември се зголемил бројот на обидите за илегално преминување на границата.

Шефот на американската Демократска партија Том Перез повика на преиспитување на резултатите од внатреапртиските избори за претседателски кандидат на таа партија што се одржаа во Ајова по појавата на грешки во објавените делумни резултати. Досега, според 97 насто од изброените гласови, се чини дека кандидатите Берни Сандерс и Пит Бутиџиџ се во мртва трка. Избори за претседателски кандидат на демократите ќе има во сите држави на САД, а следните се во Њу Хемпшир. Потоа демократите на конвенцијата во... Читать дальше...

Бугарскиот парламент ги усвои измените на законот за Централна банка во земјата со цел да го олесни пристапувањето кон „чекалната“ на еврозоната. Бугарија од 1999 година е со аранжман со Меѓународниот монетарен фонд, кој ја врзува нејзината национална валута - левот - кон еврото со фиксна стапка од 1,95. Бугарија, која е членка на ЕУ од 2007 година, ќе се обиде да му се придружи на механизмот на девизниот курс ERM2 - познат како „чекална“ на еврото во април, објави министерот за финансии Владислав Горанов. Читать дальше...

Во текот на сезонската епидемија на грип во текот на оваа зима во Грција починале 38 луѓе, а лекарите предупредуваат на важноста од вакцинирање. Сајтот „Прото тема“ пренесе дека во последнава недела во Грција имало 17 смртни случаи, како и тоа дека биле регистрирани над 50 нови случаи на тешко заболување што бара хоспитализација. Лекарите велат дека биле активни двата вида на грипот од типот А и оти тие се сметаат за смртоносни.

Унгарската полиција соопшти дека привремено затворила еден граничен премин со Србија за да го пресече патот на голема група мигранти во обид да ја минат границата. Агенцијата Франс прес јавува дека околу 100 мигранти се наоѓаат на граничниот премин во обид да го продолжат патот кон Западна Европа. Унгарија претходно соопшти дека од декември се зголемил бројот на обидите за илегално преминување на границата. Унгарија во 2015 година подигна ограда на границата која на делови е и електрифицирана, поради што илегалните преминувања станаа поопасни.

Ќе биде променливо облачно со сончеви периоди и со умерен до засилен ветер од северен правец. Утринската температура ќе биде од минус 11 до минус еден, а дневната од минус два до седум степени. Во Скопје и околината слично време. Утринската температура ќе биде околу минус шест, а дневната ќе достигне до три степени.