Адеми - Вакцинирањето е услов за запишување во училиште
Вакцинирањето на децата е услов за да бидат запишани во училиште, вели министерот за образование и наука Арбер Адеми. Тој вели дека тоа е предвидено и со новиот и со стариот закон за основно образование. Според законот, родителите треба да ги вакцинираат децата и да достават потврди за вакцинирање пред да ги запишат децата во прво одделение. Тој вели дека сè уште се обработуваат податоците колку деца требало да се запишат во училиште, а колку се запишале. Како влада остануваат на тоа дека ќе има и теренска вакцинација за да се олесни начинот на вакцинирање на тие деца кои досега не примиле задолжителни вакцини. Тој информира дека од вакцинација се ослободени тие лица и деца кај кои со лекарски наод е утврдено дека би им се влошила нивната здравствена состојба ако примат одредена вакцина.