Игор Спасов се бара со потерница
Штипскиот суд издал согласност за потерница за специјалецот Игор Спасов, кој е осуден на 14 години затвор за убиството на Мартин Нешкоски. Тој од денеска се бара со потерница на територијата на државата.
Спасов требало да се појави пред една недела во затворот, од каде бил пуштен за лекување, но тоа не се случило. Полицијата го информирала Судот дека Спасов не е најден на подрачје на општина Штип и е во бегство.
Доколку не го пронајдат на територија на државата, Судот ќе биде известен, по што тој дава согласност за издавање на меѓународна потерница.