Трамп - „СЗО навистина ја оплеска“
Американскиот претседател Доналд Трамп остро ја критикуваше Светската здравствена организација, обвинувајќи дека се премногу фокусирани на Кина и дека даваат лоши совети за време на пандемијата од коронавирус.
„СЗО навистина ја оплеска“, напиша Трамп на Твитер.
„Од некоја причина, во голема мера финансирани од САД, а повторно фокусирани на Кина. Добро ќе го разгледаме тоа. За среќа, го одбив нивниот совет за оставање на нашите граници кон Кина отворени. Зошто дадоа таква погрешна препорака“, напиша тој.
Младите мислат дека се непобедливи, а се големи пренесувачи на коронавириусот
Уште на 31 јануари СЗО ги советуваше државите да ги остават отворени границите и покрај ширењето на вирусот, додавајќи дека државите и понатаму имаат право да воведат мерки за да ги заштитат своите граѓани. Истиот ден администрацијата на Трамп најави забрана за летови за Кина. Американските конзервативци упорно ја критикуваат СЗО од почетокот на пандемијата, со тврдење дека се базираат на погрешни податоци од Кина.