Влошена состојбата на родилката од Куманово заразена со Ковид 19
Влошена е состојбата на родилката од Куманово заразена со Ковид 19, рече министерот за здравство Венко Филипче на денешната прес-конференција.
„Таа се уште е респираторно самостојна, меѓутоа е со значително полоша клиничка слика“, рече министерот за здравство.
Таа се породи пред една недела, а бебето е негативно на вирусот. Родилката која има 27 години се породи на 30 март на Клиниката за гинекологија и акушерство во Скопје.
Негативен е тестот на бебето чија мајка е заболена од коронавирус
Филипче рече дена на Клиниката за инфективни болести сега има 67 пациенти, од кои шест се на механичка вентилација, а 12 се со потешка клиничка слика. Во градската општа болница „8 Септември“ хоспитализирани се 19 пациенти од кои тројца се на респираторна машина, а девет со потешка клиничка слика, а во Штип се хоспитализирани четворица пациети – еден со средно-тешка клиничка слика и тројца со лесна клиничка слика, информира Филипче.
Досега се спроведени 5879 тестирања, а кај сосема мал дел имало потреба од повторни тестирања, рече Филипче.
Тој честитајќи го Светскиот ден на здравјето, им порача на здравствените работници да го чуваат своето здравје и да се штитат и на работното место и надвор од него.
Министерот одговорајќи на новинарско прашање рече дека ниту едно именувано или избрано лице во Владата не е во групата кај кои постои индикација за тестирање за Ковид-19. Тој рече дека во моментов не се размислува на 14-дневен карантин, мерките се доволни, но можни се и поригорозни доколку има потреба.