Филипче - Досега излекувани 200 пациенти

Добрите вести се предвесник дека овој тежок период има крај и заедно ќе успееме да го надминеме, порача на Фејсбук министерот за здравство Венко Филипче, споделувајќи ја информацијата дека досега се излекувани 200 пациенти заболени од коронавирус.

„Се радувам за сите оздравени пациенти, за нивните семејства и најблиски. Се надевам дека сѐ почесто ќе слушаме добри вести. Благодарност до целиот медицински персонал кој даде сѐ од себе да им помогне, како и до пациентите и нивните семејства за соработката, дисциплината и трпеливоста, објави Филипче.

Според последните податоци на Министерството за здравство во изминатите 24 часа регистрирани се 21 излекуван пациент, со што бројката на излекувани пациенти во земјата изнесува 200.

Починати 3, новозаразени 18 и излекувани 21 во последните 24 часа

Починати се тројца пациенти позитивни на Ковид-19. Во изминатите 24 часа потврдени се 18 нови случаи на коронавирус. Со ова, вкупната бројка на дијагностицирани пациенти со Ковид-19 во нашата земја изнесува 1225