СБ: И Западен Балкан во рецесија, Македонија ќе има најмала штета
Според најновиот Редовен економски извештај на Светска банка (РЕР), најлоши се проекциите за Косово, кое во случај на поповолно сценарио го очекува пад на БДП од 4,5 проценти, а во случај на неповолен развој на ситуацијата падот би изнесувал дури 11,3 проценти. Слични прогнози важат и за Црна Гора, која во случај на брзо запирање на ширењето на коронавирусот, очекува економски пад од 5,6 проценти, а во случај на продолжување на пандемијата до крајот на летото, падот би бил дури 8,9 проценти.
Битка за спас на светската економија
Нови правила за фирмите и за државната помош
Слични се и предвидувањата за Албанија, каде што можат да сметаат на пад на БДП од 5 односно 6,9 проценти. Босна и Херцеговина ќе биде малку подобра, со проектираните стапки на пад од 3,2 односно 4,2 проценти. Србија очекува негативна стапка од 2,5 односно 5,3 проценти.
Најмала штета ќе претрпи Македонија, чија економија се проценува дека ќе забележи пад од 1,4 до 3,2 проценти, а закрепнувањето од ефектите на пандемијата на Ковид-19 е можно на среден рок, но како што се посочува во извештајот, се ќе зависи од должината на блокадата, како и од мерките преземени од надлежните органи на државите од регионот за справување со последиците.