Денот на Победата над фашизмот одбележан со парада во Белорусија

Илјадници луѓе се собраа денеска во Минск, главниот град на поранешната советска република Белорусија на воена парада по повод одбележувањето на 75 годишнината од победата над нацистичка Германија и покрај пандемијата од коронавирусот.

Белорусија е единствената европска земја која не спроведува рестриктивни мерки на движење поради вирусот, а долгогодишниот претседател Александар Лукашенка ја нарече пандемијата „психоза“ и покрај тоа што во земјата има над 21 000 потврдени случај на коронавирус. 

Тој денеска рече дека Белорусија го одбележува овој значаен ден во тешки времиња. На парадата на која учествуваа илјадници луѓе меѓу кои и официјални лица, како што се гледа од снимките не носат маски.  Лукашенка, претходно неделава ги повика лидерите од другите земји да присуствуваат на парадата во Минск.

Поради коронавирусот поинаква церемонија во Русија за одбележување на Денот на победата над фашизмот

Рускиот амбасадор во Белорусија учествуаше на собирот и покрај одлуката на Москва да ги откаже сопствените планови за одбележување на Денот на победата над фашизмот.