Туристичкиот сектор бара обештетување за да ја преживее годината
Стопанската комора за туризам секогаш бара мерки кои лесно може да се изведат и не задираат многу во буџетот на земјата, но со третиот сет мерки ќе бараме обештетување од државата, вели во неделното интервју на Радио Слободна Европа, Емил Димитровски, претседател на Стопанската комора за туризам. Тој вели дека туризмот сè уште не го видел најлошото од економската криза и дека со обештетувањето ќе му се даде поттик на туристичкиот сектор да ја преживее оваа година. Димитровски зборува и за здравствениот пасош за летување и за тоа дали може да се искористат потенцијалите што ги нуди државата за туризам.