Арифи - Три нови кластери на заболени низ тетовскиот регион
„Вкупниот број на дијагностицирани е 116, а само денес седум. Од
вкупниот број се излечиле 50 лица, а 10 починале. Во Општина Тетово има 50 заболени од кои две починати, Боговиње 40 (пет починати), општина Теарце шест лица, општина Брвеница 10 лица (починат еден) општина Јегуновце четири лица и Желино шест заразени (починаа две лица). Имаме идентификувано три нови кластери, три нови адреси ако можам да кажам. Другите случаи се дел семејно, пријателски, колегијално, поврзани со старите кластери“, потенцира Арифи.
Таа вели дека иако има тренд на намалување на бројот на заболени низ државата, за регионот сè уште нема да има повлекување на мерката со која се забрани јавен превоз со комби и автобуси кон градот. Од друга страна нема одговор од општината дали се санкционираат оние кои се превозници без лиценци, а кои не престанаа со превезувањето на луѓе.
Градоначалничката рече дека анализите покажале дека непримерната комуникација без физичка дистанца е најчеста причина за нови заболени.