Предвремена исплата на пензиите од 27 мај

Министерството за труд и социјална политика соопшти дека од среда 27-ми мај почнува исплатата на мајските пензии. Подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи, според висината на пензијата - Во среда, на 27.05.2020 година исплата на пензии со висина до 11.000 денари, во четврток, на 28.05.2020 година исплата на пензии во висина од 11.001 денари до 14.000 денари, во петок, на 29.05.2020 година исплата на пензии во висина од 14.001 денари до 18.000 денари и во понеделник, на 01.06.2020 година исплата на пензии во висина над 18.000 денари.

Пензионерите кои користат платежна картичка поврзана со сметката на која се префрлува пензијата, со парите можат да располагаат од среда и истите можат да ги подигнат на банкомат или да ги користат средствата за плаќање во трговската мрежа.