ХК: За два месеца 197 повреди на работнички права
Хелсиншкиот комитет за човекови права информираше дека во периодот од 10 март до 30 јуни годинава биле регистрирани 197 случаи на повреди на правата од работен однос, кои се однесувале на вкупно 2.723 работници, а над 60 отсто од пријавите се однесувале на работнички со што кризата добила и родова димензија.
„Најкритични беа првите шест недели по прогласувањето на вонредната состојба, кога беа пријавени 145 од вкупниот број регистрирани случаи. Работодавачите веднаш започнаа со масовни отпуштања на работниците, односно откажувања на нивните договори за вработување“, велат од Хелсиншкиот комитет.
Хелсиншки комитет: Инциденти, говор на омраза, работнички права...
Оттаму истакнаа дека веднаш по донесувањето на првата мерка за превенција од коронавирусот која директно се однесуваше на работниците, биле сведоци на чести и груби прекршувања на работничките права, нагласувајќи дека за времетраењето на кризната состојба непрекинато продолжиле да им обезбедувааат бесплатна правна помош на сите работници.