Собири во Србија- дел од демонстраните седат на улиците
Насобраните на овој начин се оградуваат од групите и поединците кои на протестите во претходните две вечери се судираа со полицијата.
Како што јавува репортерот на Радио Слободна Европа во Белград позади зградата на парламентот се распоредени силни полициски сили меѓу кои и коњаница. На протестот се и лидерите на српската опозиција Драган Џилас, Боко Стефановиќ и Сергеј Трифуновиќ.
Инаку повод за дводневните протести низ повеќе градови во Србија беше најавитa на српскиот претседател Александар Вучиќ за повторно воведување полициски час и рестриктивни мерки поради зголемувањето на бројот на заболени од коронавирус.
Во протестите во Србија повредени 118 полицајци, приведени 153 лица
Директорот на полицијата Владимир Ребиќ изјави денеска дека во текот на дводневните протести се повредни 118 полициски службеници, на кои им е укажана помош во здравствените установи во повеќе градови низ Србија, а синоќа се приведени 153 лица.
Брнабиќ- во Белград нема веќе болнички капацитети
Премиерката Ана Брнабиќ, пак, рече дека кризниот штаб за справување со коронавирусот донел неколку нови мерки за спречување на ширење на болеста, но нема да се воведе полициски час. Меѓу мерките е и забрана за групирање на повеќе од десет лица во затворен и отворен простор во главниот град. Таа нагласи дека веќе немаат капацитети во болниците во Белград за прием на нови пациенти заболени со Ковид19.