Американска амбасада: Изборите претставуваат значаен чекор кон демократијата

Како први избори одржани по влезот на Северна Македонија во НАТО и по поканата за започнување на преговори со ЕУ, овие избори претставуваат значаен чекор кон демократијата, е наведено во ставот на Американската амбасада во Скопје во пост објавен на социјалната мрежа Фејсбук. Во него се изразува и благодарност од ОДИХР за прелиминарната оценка на предвремените парламентарни избори одржани на 15 јули годинава.


 „Го поздравуваме големиот напор на локалната изборна администрација, што овозможи наспроти предизвиците со тековната пандемија, изборите да бидат организирани со сите напори за заштита на здравјето и на гласачите и на лицата ангажирани во изборните центри и набљудувачите“ е напишано во ставот на амбасадата.