Мисајловски: Никогаш нема да го прифатам овој изборен резултат
„Јас никогаш нема да го прифатам овој резултат затоа што не ја одликува реалноста и сме сведоци на најголемиот фалсификат во историјата. Но, за мене е важна поддршката од сите граѓани што ни ја дадоа и веруваа во нас и тоа е мојата водилка за борбата секогаш да ја продолжиме“, стои во партиското соопштение од Мисајловски.
Рокот за приговори тече, партиите на потег
Тој го обвини СДСМ за поткуп и други незаконски дејства во изборната кампања.
„Во целиот изборен фалсификат, енормниот поткуп од владејачката партија, незаконските асфалтирања во тек на кампања во сите населени места, градење на диво канализации и огромни заплашувања од целата листа на СДСМ на чело со премиерот на државата и сите репресивни органи и институции на власта, сепак успеавме да ги победиме“, пишува Мисајловски.
На предвремените парламентарни избори коалицијата „Можеме“ на СДСМ освои 46 пратенички места, коалицијата „Обнова“ на ВМРО-ДПМНЕ 44, ДУИ освои 15, Алијанса за Албанците 12, Левица 2 и ДПА 1 пратеничко место.