Грција и Турција со механизам за избегнување конфликти

По низата средби помеѓу воените претставници на Грција и на Турција денеска во НАТО е воспоставен билатерален миханизам за избегнување на конфликти. Како што се наведува во соопштението на НАТО механизмот има за цел да го намали ризикот од инциденти и несреќи во Источен Медитеран. Механизмот вклучува и воспоставување на „црвена линија“ помеѓу Грција и Турција, за да се олесни избегнувањето на конфликти на море или во воздух.

„Го поздравувам воспоставувањето на воен механизам за избегнување на конфликт, постигнат со конструктивниот ангажман на Грција и Турција, двете вредни сојузнички на НАТО. Овој безбедносен механизам може да помогне да се создаде простор за дипломатски напори за решавање на основниот спор и ние сме подготвени да го развиеме понатаму, истакна генералниот секретар на Северноатлантската алијанса, Јенс Столтенберг.

Грција и Турција навестуваат намалување на тензиите во спорот за морското дно

НАТО и претходно, во 90-тите години од минатиот век воспостави сличен механизам во регионот, кој беше ефикасен за намалување на тензиите и обезбедување простор за дипломатски разговори.