И фирмите кои покажуваат загуба да исплатат К-15, апелира Владата

Компаниите што имаат можност, па дури и оние што покажуваат загуба, да исплатат регрес за годишен одмор, односно К-15, апелираше денеска премиерот Зоран Заев, во име на Владата на Северна Македонија.

„Ние сме Влада за работниците и уште еднаш апелираме секоја компанија која што има можност, дури и оние коишто покажуваат загуба да исплатат регрес за годишен одмор односно познатото К-15 заради тоа што дефинитивно работниците се трајното добро и за компаниите, но и за државата. Уште еднаш Законот и самите колективни договори  регулираат дека кога компаниите покажуваат загуба тогаш нивната задолжителност паѓа, но имаме компании што оваа  година ќе покажат загуба, но и имаат добра акумулирана добивка од претходните години или знаат дека веднаш загубата од 2020 има сериозен потенцијал да биде покриена во 2021 година“, рече Заев одговарајќи на новинарско прашање на денешната прес-конференцијата со помошникот државен секретар за енергетика на САД, Францис Фанон во Владата.

Ковидот ги зголеми поплаките за работнички права

Македонија би станала регионален енергетски центар и коридор

Заев рече дека Владата ќе продолжи да развива мерки за помош на граѓаните и компаниите и целата економија за полесно справување со економските последици од пандемијата на Ковид-19.