Апсења на протест во Белорусија

Најмалку десет луѓе се уапсени од безбедносните сили во Минск на денешниот протест на кој Белорусите излегоа да дадат поддршка на политичките затвореници во земјата. Ова е осми викенд по ред на протести против долгогодишниот претседател Александар Лукашенко. Вообичаено протестите на кои повикува опозицијата се масовни.

Минатата недела излгеоа околу 100 000 луѓе, а 350 беа уапсени. Воени камиони и автобуси пристигнаа во Минск каде што луѓето се собираат за маршот.

Белорусија со црна листа одговори на санкциите од ЕУ

Протестите против Лукашенко се одржуваат по претседателски избори на 9 август и од тогаш има неколку смртни случаи, стотици повредени и околу 10 000 уапсени. Лукашенко, кој е на власт во земјата од 1994 година прогласи победа на изборите со освоени 80 отсто од гласовите, додека неговата противкандидатка Свјатлана Циханускаја тврди дека освоила 60 до 70 отсто од гласовите.