Поништени изборните резултати во Киргистан
Централната изборна комисија на Киргистан ги поништи резултатите од парламентарните избори одржани на 4 октомври, исполнувајќи ги барањата на илјадници демонстранти кои излегоа на улиците и упаднаа во државните згради велејќи дека партиите на естаблишментот победиле преку купување гласови.
Кабинетот на претседателот Соронбаи Јенбеков претпладне соопшти дека земјата е под „негова контрола“, но нема информации каде е тој во моментов. Тој претходно изрази подготвеност да бидат поништени спорните резултати од парламентарните избори и ги повика своите противници да ги прекинат немирите бидејќи им наредил на безбедносните сили да не отвораат оган.
Јанбеков: Јас го контролирам Киргистан
Тој ги опиша постапките на демонстранти, кои ги зазедоа зградите на владата, телевизијата..., како обид на некои политички сили илегално да ја преземат власта.