Протести на ВМРО ДПМНЕ поради загадениот воздух

Опозициската ВМРО-ДПМНЕ за вечер во 19 часот најави протест пред зградата на Владата, а ќе протестира и во Битола, Струмица, Тетово и Куманово поради загадениот воздух. Во соопштението за протестите се наведува дека наместо политиканство од страна на Владата потребни се одлуки.

На Денот на ВМРО, протести со автомобили во Скопје и од Скопје до Штип

„Владата на СДСМ продолжува со својата неодговорна политика во однос со најгорливото прашање – загадениот воздух. Загадениот воздух и во ек на пандемија убива, а власта вели дека тоа е само магла. Поради неспособноста на владата предводена од Заев животот на граѓаните е изложени на опасност. ВМРО-ДПМНЕ апелира поради високата загаденост на воздухот, паралелно со пандемијата на КОВИД-19, бремените жени и хронично болните да се ослободат од работа, и во приватен и во државен сектор. Наместо политиканство од страна на оваа неспособна Влада, потребни се одлуки“, се наведува во соопштението.