СОНК: Наставниците да можат да работат од дома
„Хронично болни наставници секојдневно до работа патуваат со автобус и се
изложени на огромна опасност од заразување, особено постарите наставници“, рече на денешната прес-конференција Јаким Неделков од СОНК.
Синдикатот за образование, наука и култура бара од директорите, а по барање на наставниците, да им дозволат да работат од дома и во октомвриската плата која треба да ја добијат на почетокот на ноември, да
бидат пресметани дополнителните часови.
„Сите паралелки кои бројат над 20 ученици, мора да се поделат на две групи, што значи удвојување на работата на наставниците. Бараме од директорите оваа дополнителна работа да ја пресметаат и да ја стават во вид на додаток на плата, поради прекувремената работа“, рече Неделков.
Тој тврди дека постои таков основ во Законот за работни односи и општиот
колективен договор.