„Титаник“ се одложува, двајца обвинети се со здравствени проблеми

Двајца од обвинетите во случајот „Титаник“ имаат здравствени пречки, па затоа рочиштето кое требаше да се одржи утре (5 ноември), се одлага за 12 ноември, информираат од Основниот кривичен суд Скопје.

Во случајот „Титаник“ освен поранешниот премиер Никола Груевски кој е во бегство, обвинети се и Кирил Божиновски, Миле Јанакиески, Гордана Јанкулоска, Билјана Бришкоска Бошковски, Илија Димовски, Мунир Пепиќ, Едмонд Темелко, Леко Ристоски, Кирил Тодоровски, Катерина Веловска, Станко Коруновски, Коста Марковски, Драгче Драгчески, Марјан Накевски, Гоце Јаневски, Џезми Ахмет, Роберт Давитков, Далибор Алешковиќ и Ленка Рашјаковска.

Онлајн судења - идеја која отвори дилеми

Тие се осомничени за злосторничко здружување, повреда на избирачкото право, повреда на слободата на определување на избирачите, поткуп при избори и гласање, уништување изборен материјал и злоупотреба на средства за финансирање изборна кампања.