Грција оди во тринеделен карантин

Почнувајќи од сабота, Грција воведува тринеделен национален карантин, за да се запре ширењето на коронавирусот, соопштија властите. Премиерот Кирјакос Мицитакис изјави дека „уште еднаш решил да воведе драстични мерки, затоа што е подобро порано отколку подоцна“.



Со новите грчки рестриктивни мерки се затвораат сите продавници освен супермаркети и аптеки, се забранува патувањето меѓу регионите, а граѓаните за излегување од дома ќе мора да испратат порака на посебен владин телефонски број. Градинките и основните училишта продолжуваат со работа, додека средните училишта ќе имаат онлајн настава.