Буџетот за 2021 година на седница на Влада
Законите ќе бидат разгледувани по скратена постапка на 19 седница на Владата преку видеоконференциска интернет комуникација, се вели во соопштението.
Исто така на дневен ред на предлог на Министерството за образование и наука се и Предлог законот за изменување и дополнување на Законот за ученички стандард и Предлог-законот за дополнување на Законот за студентски стандард.
На седницата на Владата ќе биде разгледувана и Информацијата за заштита и унапредување на работничките права преку колективен договор на овластените службени лица во шумската полиција, се вели во соопштението на Владата.
Министерот за финансии Фатмир Бесими денеска на средба по повод подготовка на буџетот за 2021 година со претставници на меѓународните институции од ЕУ, ММФ и Светска банка, изјави дека главни приоритети за наредната година ќе бидат поддршката на здравството е економското заздравување од Ковид-19, како и реформи во јавните финансии што ќе поддржат забрзан економски раст на среден и долг рок, информираат од кабинетот на Бесими.
Тој вели дека клучните темели на кои ќе биде поставен Буџетот за 2021 година ќе бидат забрзан, инклузивен и одржлив економски раст што ќе се темели врз владеењето на правото и подигнување на капацитетот на институциите.