Турција испраќа војници во Азербејџан

Турскиот парламент усвои резолуција за испраќање на војници кои ќе го следат мировниот договор меѓу Азербејџан и Ерменија со посредство на Русија. Една партија не даде поддршка за предлогот, откако претседателот Реџеп Таип Ердоган го изнесе барањето за испраќање војници во планираниот центар за набљудување во Азербејџан.

Турција, која го поддржа Азербејџан во шестнеделен конфликт со етничките ерменски сили за отцепениот регион Нагорно Карабах, минатата недела потпиша меморандум со Русија за создавање на заеднички центар за набудување во Азербејџан.

Технологијата и Турција стојат зад воената победа на Азербејџан во Нагорно Карабах

Резолуцијата предвидува едногодишен мандат за распоредување на турски војници и цивилна поддршка во заеднички центар за набудување „на место што ќе го одреди Азербејџан“ и во согласност со стратешките договори меѓу двете земји.

Мировниот договор со посредство на Русија постигнат на 10 ноември се случи откако азербејџанските сили остварија големи придобивки на бојното поле за да ја повратат територијата изгубена од ерменските сепаратисти пред скоро три децении.

Околу 2.000 мировници во Русија ќе бидат распоредени за одржување на безбедноста на територијата за период од пет години. Руските власти изјавија дека вклученоста на Анкара ќе биде ограничена на работата на центарот за набудување на азербејџанско тло, а турските мировници нема да влезат во Нагорно Карабах.