Бомгартнер: Не сметаме дека се повторува „грчко сценарио“

Европските институции и државите-членки остануваат мобилизирани, а германското претседателство ќе се обиде да го искористи времето кое останува до Европскиот Совет на 10 и 11 декември за разврска на состојбата. Дотогаш, ќе се одржи уште еден Совет на министри. Франција целосно ги поддржува овие напори кои треба да продолжат, да се охрабрат и олеснат. Не посакуваме долготрајна блокада.


Ова, во интервју за МИА, го изјави новиот француски амбасадор во Северна Македонија, Сирил Бомгартнер, на прашањето дали ветото на Бугарија за усвојување на преговарачката рамка на ЕУ со Северна Македонија ќе значи повторување на „грчкото сценарио“ во однос на евроинтегративниот пат на земјата.



Пендаровски: Договорот со Бугарија не вели да се преговара за идентитет


„Ако под “грчко сценарио” подразбирате долготрајна блокада, ние не сметаме дека тоа се повторува сега, особено затоа што ние тоа не го посакуваме“, вели францускиот амбасадор во интервјуто за МИА.