Нема починати од ковид-19, 8 нови случаи на заразени со коронавирус

За прв пат по повеќе од девет месеци во изминатово деноноќие не е регистриран починат од последици од короновирусот. Во изминативе 24 часа се евидентирани 8 нови случаи од 3 068 направени тестови.


„ Денес за прв пат по 2 септември 2020 не бележиме ниту еден починат од Ковид. Вирусот е далеку од победен, но оваа мала победа ни влева надеж дека сме се поблиску до ставање крај на агонијата. Сепак, мерките мора да продолжиме да ги почитуваме, а еднствен начин да го намалиме бројот на жртви е масовно да се вакцинираме“ се вели во соопштението од министерството за здравство.


Вкупната бројка на КОВИД-дијагностицирани лица во нашата земја од почетокот на епидемијата изнесува 155.536, бројката на оздравени пациенти е 149.628, на починати е 5.471, а бројот на активни случаи изнесува 437 од кои 189 во главниот град.