Ериксен останува во болница по колапсот
Данскиот репрезентативец Кристијан Ериксен ќе остане во болницата во Копенхаген, бидејќи се опоравува откако вчера колабираше на фудбалскиот терен. Данскиот тим ги откажа сите планирани медиумски активности и го одложи тренингот планиран за денеска за да можат соиграчите на Ериксен да се соземат од вчерашниот здравствен инцидент на теренот.
Ериксен вчера колабираше на натпреварот меѓу Данска и Финска во 43-тата минута. Откако му се слоши, тим на брза помош неколку минути го реанимираше на теренот додека неговите соиграчи стоеа околу него заштитувајќи го него од јавноста, но и јавноста од таква глетка.
Ериксен стабилизиран, натпреварот меѓу Данска и Финска продолжи
Прекинат натпреварот меѓу Данска и Финска, Ериксен колабираше на терен
По 90 минутен прекин на играта, натпреварот продолжи со второто полувреме. Победник беше Финска со 1-0.