Софискиот Врховен суд- Каракачанов ги дискриминира Ромите во Бугарија

Поранешниот бугарски министер за одбрана и лидер на ВМРО-БНД Красимир Каракачанов имал дискриминациски однос кон Ромите во Бугарија, се наведува во одлуката на софискиот Врховен администрациски суд, соопшти бугарскиот Хелсиншки комитет денеска.

Станува збор за неколку јавни коментари на Каракачанов дадени на телевизија во 2019 година за инцидент во пловдиско село во кој двајца Роми нападнеле маж, по што биле приведени. Каракачанов тогаш ги нападна Ромите и кажа дека трпението на бугарското општество е при крај.

Каракачанов за извештајот на Стејт департментот -Тоа се информаци од соросоидни организации

Решението на судот е спротивно од претходните одлуки на Комисијата за заштита од дискриминација и на Административниот суд кои не утврдија дискриминација во изјавите на Каракачанов. Со решението на Врховниот суд случајот се враќа повторно во Комисијата за заштита од дискриминација, која би требало да одреди глоба за Каракачанов.