Eден тон кокаин спакуван на брод со банани запленет во Турција
Турските цариници запленија еден тон кокаин скриен во контејнери за банани. Турскиот министер за трговија Мехмет Муса изјави дека ова е најголема количина кокаин запленета досега во државата.
Дрогата била запленета во пристаништето Мерсин на југот на Турција, на брод регистриран во западно африканската држава Либерија, кој пристигнал во тоа пристаниште од Еквадор.
Кокаинот бил спакуван во илјада посебни пакети сместени во контејнери со банани. Цариниците и полицајците ја спровеле акцијата по дојава за натоварен брод со дрога што плови од Еквадор.