Путин- ситуацијата со коронавирусот во некои региони е влошена

Руските власти кои се обидуваат да се справат со смртоносниот трет бран на коронавирусот повторно ја отворија мобилната болница во Москва, додека рускиот претседател Владимир Путин рече дека ситуацијата во некои региони е влошена.



Министерката за здравство Светлана Стригункова денеска рече дека мобилната болница, која беше затворена во средината на февруари, располага со 1420 кревети за третирање на болните од Ковид19. Оваа објава следуваше откако вкупно беа регистрирани 17 378 нови случаи на Ковид19 и 440 починати во последните 24 часа. Од новозаразените 7584 се во Москва.



"За жал заканата од коронавирусот не е одмината. Во некои региони ситуацијата се влошува како што знаете“, рече Путин на денешната средба со пратениците.



Кремљ- за состојбата со ковид во Москва виновен е „огромниот нихилизам“ на Русите


Руските федерални служби за борба со коронавирусот соопштија дека вкупниот број на заразени од почетокот на епидемијата досега е 5 334 204, а бројот на починати е 129 801.