Русија со рекордна смртност од Ковид-19
Руската неподготвеност за вакцинација ги зголеми стравувањата кои го придружуваат неодамнешниот наплив на пандемијата. Претседателот Владимир Путин на состанокот со руските пратеници на 21 јуни рече дека "За жал, заканата од коронавирус се уште не е завршена. Во некои региони ситуацијата е влошена, како што знаете".
Една третина од новите случаи се во Москва. Градоначалникот на главниот град, Сергеј Собјанин минатата недела рече дека вакцинациите против Ковид-19 ќе бидат задолжителни за 60 проценти од вработените во услужниот сектор. Седумнаесет други региони наметнуваат слични барања. Москва и другите области исто така ги зајакнаа ограничувањата за движење на луѓето.
Русија: Во еден ден над 600 починати од Ковид-19
Почнувајќи од минатата недела, жителите на Москва можат да добијат услуга во ресторани и барови само доколку презентираат доказ за вакцинација, неодамнешен негативен тест или потврда дека се заразиле со вирусот во претходните шест месеци.
Во популарната туристичка област Краснодар на лицата ќе им биде дозволено да престојуваат во хотели од 1 јули со доказ за вакцинација или негативен тест за ПЦР. Од 1 август само оние со потврди за вакцинација ќе имаат дозвола за сместување.