Ердоган: Датумот на изборите е јасен, јуни 2023 година
„Датумот на избори е јасен, јуни 2023 година. Не трошете го вашето време“, им порача Ердоган на оние кои, според неговите зборови, „легнуваат и стануваат, зборувајќи за предвремени избори“.
Тој порача дека ќе продолжат да ги поддржуваат независноста, интересите, правата на народот и на сите пријатели.
„Сите 15 избори што ги помина Турција во последните 19 години беа од витално значење сами за себе“, додаде тој.
Според него, изборите во 2023 година претставуваат најкритична пресвртница во однос на синхронизирање на стандардите на земјата со визијата за 2053 година.