Британски министер поднесе оставка по прекршување на ковид мерките
Хенкок даде отказ откако фотографиите покажаа дека ги крши правилата додека служеше како централен носител на одлуки во борбата на Владата на Велика Британија против пандемијата.
„Оние од нас кои ги прават овие правила мора да се придржуваат до нив и затоа морам да си дадам оставка“, рече 42-годишникот во видео на Твитер.
На фотографиите, објавени на 25 јуни од „Сан“, се гледа како женетиот министер е во прегратка со Џина Коладанџело, која исто така е во брак. Весникот наведува дека фотографиите се направени во Министерството за здравство во мај, кога тоа е спротивно на правилата луѓето да имаат интимен контакт со личност надвор од нивното домаќинство.
Хенкок, кој рутински се појавуваше на телевизија за да им кажува на луѓето да ги следат строгите правила, беше под притисок на колегите- конзервативни пратеници да си даде оставка од објавувањето на фотографиите.
Тој се извини за кршењето на мерките во своето видео, а исто така им се извини на неговото семејство и на најблиските, додавајќи: „Им должиме на луѓето што жртвуваа толку многу во оваа пандемија да бидеме искрени кога ќе ги изневериме како што направив јас со кршење на правилата “.
Премиерот Борис Џонсон првично рече дека го прифаќа извинувањето на Хенкок и смета дека работата е затворена. Вчера рече дека му е жал што ја примил оставката на Хенкок.