Талибанците го нападнаа аеродромот во Кандахар
![Талибанците го нападнаа аеродромот во Кандахар](https://gdb.rferl.org/690f808b-1c32-46b7-97a4-1e2903c30397_w800_h450.jpg)
Талибанците во текот на ноќта го нападнаа аеродромот во јужниот авганистански град Кандахар додека владините сили продолжуваат да ja oдбиваат талибанската офанзива која се заканува да заземе три важни града. Талибанците на први август преземаа одговорност за нападот, а раководството на аеродромот наведе дека е оштетена пистата и дека сте стопирани летовите, но дека веќе се работи на поправки на оштетувањата.
Талибанците нападнаа комплекс на ОН во Авганистан
Нападот доаѓа во време кога талибанските милитанти се борат покрај за Кандахар и за два други важни града во Авганистан- Херат и Лашкар Гах. Судбината на трите града, кои се главни на провинциите, може да биде клучна за тоа дали владата во Кабул ќе ја задржи контролата врз поголемите градови и остатокот од земјата без меѓународните војници кои се бореа против талибанците повеќе од две децении.
Талибанците лажат, тврди официјален Кабул
Авганистанските безбедносни сили се судрија со талибанците на влезот на западниот град Херат вчера, ден откако властите соопштија дека бил одбиен нападот на милитантите. Во меѓувреме се јавува и за тешки борки во Лашкар Гах, главниот град на провинцијата Хелманд, во чии делови талибанците влегоа пред два дена.